‘बुल्लीबाई’ अ­ॅप बनवणाऱ्या मुख्य आरोपीला अटक

दिल्ली पोलिसांची आसाममध्ये कारवाई
नवी दिल्ली/मुंबई – ‘बुल्लीबाई’अ­ॅप तयार करणाऱ्या मुख्य आरोपीला दिल्ली पोलिसांच्या आयएफएसओ युनिटने आसाममधून अटक केली आहे. पोलीस उपायुक्त (डीसीपी) केपीएस मल्होत्रा ​​यांच्या पथकाने ही कारावाई केली आहे. या आरोपीचे नाव नीरज बिश्नोई असे असून, तो ‘गिटहब’अ­ॅपवरून हा अ­ॅप बनवणारा मुख्य आरोपी आहे. दिल्ली पोलिसांच्या म्हणण्यानुसार, नीरजने ‘बुल्लीबाई’ ॲप गिटहबच्या सह्याने बनवले होते. नीरज हा गिटहबवर बुल्लीबाई अ­ॅप तयार करणारा मुख्य आरोपी असल्याचे पोलिसांनी सांगितले. आरोपी नीरज बिश्नोई हा सुमारे २१ वर्षांचा आहे. यापूर्वी, दिल्ली महिला आयोगाने ‘बुल्लीबाई’ आणि ‘सुल्ली डील’अ­ॅप्सवरील आक्षेपार्ह सामग्रीच्या चौकशीसंदर्भात या आठवड्याच्या अखेरीस दिल्ली पोलिसांना हजर राहण्यास सांगितले आहे. दिल्ली महिला आयोगाने सोमवारी जारी केलेल्या निवेदनानुसार, ‘गिटहब’अ­ॅपवर अनेक मुस्लीम महिलांचे फोटो त्यांच्या संमतीशिवाय अपलोड केल्याबद्दलच्या प्रसारमाध्यमांमधील बातम्यांची स्वत:हून दखल घेतली. आयोगाने दिल्ली पोलिसांना हजर राहून ‘सुल्ली डील’ आणि ‘बुल्लीबाई’ प्रकरणात अटक केलेल्यांची यादी करण्यास सांगितले होते.

About Sub-Editor

अवश्य वाचा

अग्रलेख : समताधिष्टित राष्ट्राच्या निर्मितीचा पाया

भारतरत्न डॉ. बाबासाहेब आंबेडकर यांची आज १३१वी जयंती. यानिमित्ताने देशभर त्यांना अभिवादन होत आहे. संपूर्ण …