एमपीएससी परीक्षेला बसण्यासाठी एका वर्षाची मुदतवाढ

मंत्रिमंडळाचा निर्णय; विद्यार्थ्यांना दिलासा
मुंबई – महाराष्ट्र लोकसेवा आयोग अर्थात एमपीएससीच्या परीक्षेला बसण्यासाठी एका वर्षाची मुदतवाढ देण्याचा निर्णय राज्य मंत्रिमंडळाने घेतला आहे. कोरोनामुळे परीक्षा होऊ न शकल्याने अनेक विद्यार्थी परीक्षेला बसण्यापासून मुकणार होते. राज्य मंत्रिमंडळाच्या या निर्णयामुळे विद्यार्थ्यांना मोठा दिलासा मिळणार आहे.
येत्या १९ नोव्हेंबर रोजी अर्ज भरण्याची शेवटची मुदत असलेल्या परीक्षेसाठीही हा निर्णय लागू होणार आहे. अनेक विद्यार्थ्यांची ही मागणी होती, त्यानुसार सरकारने हा निर्णय घेतला आहे. राज्य सरकारमधील मंत्री दत्तात्रय भरणे यांनी बुधवारी पार पडलेल्या मंत्रिमंडळ बैठकीनंतर ही माहिती दिली. भरणे म्हणाले, दोन वर्षे कोरोनामुळे एमपीएससीच्या परीक्षा झाल्या नव्हत्या. त्यामुळे वयाची मर्यादा दोन वर्षांनी वाढवावी, अशी मागणी होती. याबाबत राज्य मंत्रिमंडळाच्या बैठकीत चर्चा झाली. एक वर्ष मुदतवाढ देण्याला मुख्यमंत्र्यांनी मान्यता दिली आहे. त्यामुळे ज्यांची वयोमर्यादा ओलांडली आहे, अशा विद्यार्थ्यांना याचा फायदा होणार आहे.
महाराष्ट्र राज्य लोकसेवा आयोगाच्या परीक्षा कोरोनामुळे दोन वर्षे झालेल्या नाहीत. परिणामी अनेक विद्यार्थ्यांची वयोमर्यादा वाढलेली होती. त्यामुळे विद्यार्थ्यांची वयोमर्यादा वाढवा, अशी मागणी होती. याबाबत बुधवारी राज्य मंत्रिमंडळाच्या बैठकीत चर्चा झाली आणि मुख्यमंत्र्यांनी मान्यता दिली आहे.
महाराष्ट्रात दरवर्षी साधारणपणे १८ ते २० लाख तरुण एमपीएससी परीक्षा देतात; मात्र वेगवेगळ्या खात्यांमधील दरवर्षी भरल्या जाणाऱ्या पदांची संख्या असते चार ते पाच हजार. वेळेत परीक्षा घेऊन वेळेत निकाल लावण्याचे काम राज्य लोकसेवा आयोग कधीच करीत नाही. मागील दोन वर्षांपासून आधी राज्यात सुरू असलेल्या मराठा आरक्षणाचा मुद्दा न्यायप्रविष्ट राहिल्यानंतर कोरोनामुळे मागील दोन वर्षांपासून एमपीएससीच्या परीक्षा वेळेत झालेल्याच नाहीत.

About Sub-Editor

अवश्य वाचा

अग्रलेख : समताधिष्टित राष्ट्राच्या निर्मितीचा पाया

भारतरत्न डॉ. बाबासाहेब आंबेडकर यांची आज १३१वी जयंती. यानिमित्ताने देशभर त्यांना अभिवादन होत आहे. संपूर्ण …