खरी बंदूक हातात घेण्याचा अनुभव शहारे आणणारा – अनुजा साठे

हातात खरी बंदूक घेऊन चालवणे, किती भीतीदायक असू शकते, याची आपल्याला तितकीशी कल्पना नाही. अनेक देशभक्ती किंवा गँगवॉरवर आधारित चित्रपटांमध्ये आपण गुंडांना किंवा दहशतवाद्यांना अगदी सहजरीत्या गोळीबार करताना, रक्तपात घडवताना पाहतो. ते पाहण्यात आपण इतके तल्लीन होऊन जातो की, ते सर्व खोटे आहे हेही आपण पूर्णपणे विसरतो. इतक्या कौशल्याने हे चित्रित केले जाते. एमएक्स प्लेअर ओरिजनलच्या ‘एक थी बेगम २’ या वेबसीरिजची नायिका अनुजा साठे हिने पडद्यावर अतिशय सहजरीत्या बंदूक हाताळली आहे. अर्थात त्यासाठी तिने प्रशिक्षण घेतले.
बंदूक हाताळण्याच्या अनुभवाबद्दल अनुजा साठे म्हणते, ‘आयुष्यात पहिल्यांदा हातात जेव्हा मी बंदूक घेतली होती तेव्हा माझ्या अंगावर शहारे आले होते. आणि ही अजिबात अतिशयोक्ती नाही. ‘एक थी बेगम २’ मधील माझी भूमिकेची गरज म्हणून मी बंदूक हाताळली, तो अनुभव खूपच दडपण आणणारा आणि भीतीदायक होता. परंतु जेव्हा तुम्ही सूडाच्या भावनेने जेव्हा पेटलेले असता, तेव्हा हे सर्व नगण्य होऊन जाते. शूटिंगच्या सेटवर बंदूक चालवण्याअगोदर मी प्रशिक्षण घेतले होते, ज्याचा मला निश्चितच फायदा झाला.’

एक थी बेगमच्या दुसºया पर्वाची सुरुवात लीला पासवानच्या शोधाने सुरू होते. मृत्यूचे सोंग घेतलेली अशरफ दुबईचा डॉन मकसूद (अजय गेही) ला संपवण्याच्या आपल्या ध्येयाच्या दिशेने झेपावते. आपला पती झहीरच्या(अंकित मोहन) मृत्यूचा बदला घेण्याच्या आपल्या प्रतिज्ञेवर ती ठाम राहते. अशरफ स्वत:ला गुन्हेगारी जगतात झोकून देते.
सचिन दरेकर आणि विशाल मोढावे दिग्दर्शित ‘एक थी बेगम’च्या दुसºया सीझनमध्ये शहाब अली, चिन्मय मांडलेकर, विजय निकम, रेशम श्रीवर्धनकर, राजेंद्र शिसाटकर, नझर खान, हितेश भोजराज, सौरासेनी मैत्रा, लोकेश गुप्ते, मीर सरवर, पूर्णानंदा वाडेकर आणि रोहन गुजर यांच्या प्रमुख भूमिका आहेत.

 

About Sub-Editor

अवश्य वाचा

रंगीलाविषयी शेफाली शाहचा धक्कादायक खुलासा

अभिनेत्री शेफाली शाहने राम गोपाल वर्मा यांच्या रंगीला या गाजलेल्या चित्रपटाविषयी एक आश्चर्यकारक खुुलासा केला …

Leave a Reply

Your email address will not be published. Required fields are marked *