कोरोना व्हायरसचा नवा प्रकार ओमिक्रॉन नुकताच समोर आला अन् पुन्हा एकदा देशासमोर संकट उभे राहिले. त्याबरोबर शास्त्रज्ञांसमोर आव्हान वाढले आहे की, त्यांना विषाणू शोधण्याची सोपी चाचणी शोधावी लागणार आहे. लसीवर सातत्याने संशोधन सुरू असतानाच, आता शास्त्रज्ञांनी असा फेस मास्क तयार केला आहे, जो कोविड-१९च्या संपर्कात येताच अंधारात चमकणे सुरू करेल. जपानी शास्त्रज्ञांचा हा शोध कोरोनाचा प्रसार रोखण्यासाठी फायदेशीर ठरू शकतो.
कोरोना व्हायरसचा सामना करणे सर्वात कठीण आहे, कारण त्याचा संसर्ग खूप वेगवान आहे. हेच कारण आहे की, कोरोना न्यू व्हेरिएंट ओमिक्रॉनपासून बचाव करण्यासाठी सॅनिटायझर आणि फेस मास्क वापरणे खूप महत्त्वाचे आहे. ही सुरक्षितता आणखी सुधारण्यासाठी आता जपानच्या शास्त्रज्ञांनी असा मास्क बनवला आहे, जो कोरोनाच्या संपर्कात आल्यावर चमकेल.
हा शोध कोरोना रोखण्यासाठी मैलाचा दगड ठरू शकतो. एका वृत्तसंस्थेच्या वृत्तानुसार, संशोधकांनी या मास्कमध्ये शुतुरमुर्ग पेशींचे फिल्टर ठेवले आहे. या फिल्टर्सच्या माध्यमातून मास्क कोरोना विषाणूला पकडण्यासाठी अधिक प्रभावी ठरेल. कोविड-१९च्या संपर्कात येताच हा मास्क अंधारात चमकू लागेल.
या मास्कचा शोध जपानच्या क्योटो प्रीफेक्चरल युनिव्हर्सिटीचे अध्यक्ष यासुहिरो सुकामोटो यांनी एका संशोधन गटाच्या सहकार्याने लावला आहे. मास्कवर प्रकाश स्रोत म्हणून एलइडी लाइटदेखील वापरता येऊ शकते, असे त्यांचे म्हणणे आहे. शुतुरमुर्गाच्या अंड्यांपासून मिळणारी अँटिबॉडीज मास्कमध्ये वापरली गेली आहेत. या पक्ष्यांना कोरोनापासून वाचवण्यासाठी प्रथम इंजेक्शन देण्यात आले. शुतुरमुर्ग बाह्य संसर्गाला निष्प्रभावी करणारे अँटिबॉडीज तयार करण्यात तरबेज आहेत. अशा परिस्थितीत, मास्कवर या अँटिबॉडीची फवारणी करून, कोरोना विषाणूच्या संपर्कात आल्यावर काय होते हे पाहिले गेले. ३२ कोविड रुग्णांवर सलग ३ दिवस वापरल्यानंतर, मास्क अतिनील प्रकाशात चमकत असल्याचे दिसून आले.
मास्कवर आॅस्ट्रिचची अँटिबॉडीज लावल्यानंतर, जेव्हा तो घातला गेला तेव्हा मास्कने खाताना, शिंकताना व्हायरस पकडला. यानंतर, जेव्हा मास्क यूव्ही प्रकाशात ठेवला गेला तेव्हा तो चमकू लागला. विशेष म्हणजे स्मार्टफोनच्या एलइडी लाइटमध्येही मास्क काम करत होता. आता हे तपासणी किट जपानमधील लोकांना या वर्षाच्या अखेरीस दिले जाण्याची शक्यता आहे. यामुळे कोणत्याही रुग्णाला कोरोनाची लागण झाल्याचे संकेत मिळतील, ज्यामुळे बाकीचे लोक वाचतील.
