रेल्वेच्या तिन्ही मार्गांवर आज मेगाब्लॉक

मुंबई – रुळांची, ओव्हरहेड वायर आणि सिग्नल यंत्रणेची दुरुस्ती अशा विविध कामांसाठी रविवार, १२ डिसेंबर रोजी मध्य, हार्बर व पश्चिम रेल्वे मार्गांवर मेगाब्लॉक घेण्यात आला आहे. मध्य रेल्वेच्या मुलुंड व दिवा स्थानकांदरम्यान अप व डाऊन धिम्या मार्गावर सकाळी ११ ते सायंकाळी ४ वाजेपर्यंत दुरुस्तीचे काम होणार आहे. या कालावधीत सीएसएमटी स्थानकातून सुटणाऱ्या लोकल मुलुंड व दिवा स्थानकांदरम्यान डाऊन जलद मार्गावर वळवण्यात आल्या आहेत. तसेच या कालावधीत कळवा व मुंब्रा स्थानकांवर लोकल थांबणार नाहीत. तर कल्याण स्थानकातून सीएसएमटीच्या दिशेने जाणाऱ्या लोकल दिवा व मुलुंड स्थानकांदरम्यान अप जलद मार्गावर वळवण्यात आल्या आहेत. या कालावधीत कळवा व मुंब्रा स्थानकांवर लोकल थांबणार नाहीत.
हार्बर मार्गावर पनवेल-वाशी स्थानकांदरम्यान अप व डाऊन मार्गावर सकाळी ११.०५ ते सायंकाळी ४.०५ वाजेपर्यंत दुरुस्तीचे काम हाती घेतले आहे. दरम्यान, बेलापूर व खारकोपर स्थानकांदरम्यान लोकल सुरू असून, नेरूळ-खारकोपर स्थानकांदरम्यान लोकल रद्द करण्यात आल्या आहेत. दुरुस्तीच्या कालावधीत पनवेल स्थानकातून ठाण्यासाठी सुटणाऱ्या व ठाणे स्थानकातून पनवेल स्थानकात जाणाऱ्या लोकल रद्द करण्यात आल्या आहेत. पनवेल-वाशी स्थानकांदरम्यान सुरू असलेल्या दुरुस्तीच्या कालावधीत सीएसएमटी-वाशी स्थानकांदरम्यान विशेष लोकल चालवण्यात येत आहेत. तसेच ट्रान्सहार्बर मार्गावरील ठाणे, वाशी व नेरूळ स्थानकांदरम्यान लोकल सुरू आहेत. पश्चिम रेल्वेच्या चर्चगेट-मुंबई सेंट्रल स्थानकांदरम्यान अप व डाऊन जलद मार्गावर दुरुस्तीचे काम हाती घेतले आहे. या कालावधीत चर्चगेट ते मुंबई सेंट्रल स्थानकांदरम्यानच्या लोकल धिम्या मार्गावर वळवण्यात आल्या आहेत.

About Sub-Editor

अवश्य वाचा

एकामागून एक हल्ल्यामुळे खारूताईची पसरली दहशत

  कोरोना विषाणूने जगात पुन्हा धुमाकूळ घातला आहे. यावेळी ओमिक्रॉनने लोकांना घाबरवले आहे. लसीकरण झालेल्या …