या स्पर्धेत हरमनप्रीतला मिळणार कर्णधारपदाचा मान

नवी दिल्ली – भारतीय महिला टी-२० संघाची कर्णधार हरमनप्रीत कौर पुढील वर्षी ‘फेयरब्रेक’च्या पहिल्या आमंत्रण टी-२० स्पर्धेत एका संघाचे नेतृत्व करेल. स्पर्धेच्या आयोजकांनी मंगळवारी त्याबाबत माहिती दिली. स्पर्धा आयसीसीद्वारा मान्यताप्राप्त असून, याचे आयोजन १ ते १५ मेपर्यंत हाँगकाँगमध्ये क्रिकेट हाँगकाँगच्या मदतीने पार पडेल. ‘फेयरब्रेक’ने ट्विट केले की, ‘फेयरब्रेक’ला घोषणा करताना आनंद होत आहे की, हमरनप्रीत कौर फेयरब्रेकच्या पहिल्या आमंत्रण टी-२० स्पर्धेत सहा संघांपैकी एका संघाची कर्णधार असेल. कृपया हरमनप्रीतचे स्वागत करण्यासाठी आमच्यासोबत सहभागी व्हा. ट्विटला उत्तर देताना हरमनप्रीत म्हणाला की, मी वास्तवात या स्पर्धेची वाट पाहत आहे. स्पर्धेत सहा संघांचा सहभाग असेल व यात जगभरातील खेळाडू भाग घेतील. ही महिला क्रिकेटच्या इतिहासात जगातील पहिली खासगी रूपातील अर्थ सहाय्य रूपातील स्पर्धा असेल. हरमनप्रीत खेळाच्या छोट्या फॉरमेटमध्ये सर्वात जास्त मागणी असणारी फलंदाज आहे. ती सध्या ऑस्ट्रेलियात मेलबर्न रेनेगेड्सच्या महिला बिग बॅश लीगमध्ये खेळतेय. डावखुरी आक्रमक फलंदाजाने या वर्षीच्या सुरुवातीला इंग्लंडमधील ‘द हंड्रेड’च्या उद्घाटन सत्रात ही भाग घेतला होता.