महिलेला स्वयंपाकघरात सापडला गुप्त दरवाजा

जेव्हाही आपण नवीन घरात जातो, तेव्हा घराचा प्रत्येक कोपरा तपासतो आणि तिथे काय आहे, हे जाणून घ्यायचे असते. विचार करा, हे करत असताना, जर तुम्हाला तुमच्या घरात असे काही सापडले. ज्याची तुम्ही कल्पनाही केली नसेल, तर आश्चर्य वाटणार नाही. एका महिलेला तिच्या घराच्या स्वयंपाकघरात लपलेले असेच एक रहस्य सापडले. तिला किचनच्या ड्रॉव्हरमध्ये एक विचित्र दरवाजा दिसला, ज्याच्या मागे जे काही होते ते आश्चर्यचकित होते.
सामान्यत: प्रत्येकाला सवय असते की, ते कोणत्याही नवीन ठिकाणी गेल्यावर ते शक्य तितके एक्सप्लोर करण्याचा प्रयत्न करतात. मग ते पर्यटन स्थळ असो, हॉटेल असो की नवीन घर. एक महिला देखील तिच्या घरात असेच करत होती, जेव्हा तिला घराच्या स्वयंपाकघरात एक छुपे रहस्य सापडले, जे पाहणाºयांना एका वेगळ्याच विश्वात घेऊन गेले.

महिलेने तिच्यासोबत घडलेला हा विचित्र व्हिडीओ टिकटॉकवर शेअर केला आहे. यात तिने सांगितले आहे की, जेव्हा तिला घरी कंटाळा येतो, तेव्हा ती कुठे जाते? असे म्हणत तिने किचनचा एक दरवाजा उघडला तर तो खरोखरच वेगळ्या जगात जाण्याचा मार्ग होता. हे जग तिच्या आधुनिक घरापेक्षा मोठे आणि आलिशान आहे हेही स्त्रीने दाखवून दिले आहे.
या महिलेने टिकटॉक फुटेजमध्ये दाखवले आहे की, किचन कॅबिनेटचा दरवाजा उघडताच तेथे खाली जाण्यासाठी पायºया आहेत. खाली उतरताच ती महिला एका खोलीत पोहोचते जिथे वाईन ठेवली होती. ही खोली खूप सुंदर आहे. इतकंच नाही तर ती दुसºया खोलीत जाते, जिथे एक जुनी बुककेस भिंतीत लटकलेली असते. तिने ही जुनी बुककेस मागे ढकलली असता तिथे पार्टीची खोलीही दिसली. येथे अनेक खुर्च्या आणि टेबल आहेत. एवढेच नाही तर खोलीत २ टीव्ही देखील बसवले आहेत, जे येथे आरामात बसलेले दिसतात.

महिलेचा हा व्हिडीओ पाहून अनेकांना या सेटअपची चांगलीच भुरळ पडली आहे. हा व्हिडीओ लाखो वेळा पाहिला गेला आहे आणि अनेकांनी त्यावर कमेंटही केल्या आहेत. व्हिडीओवर कमेंट करताना एका युझरने लिहिले आहे, तुम्ही किती श्रीमंत आहात हे न सांगता. दुसरीकडे, आणखी एका युझरने मजेशीरपणे लिहिले आहे की, माझ्या सिंकच्या खाली असलेल्या ड्रॉव्हरमध्ये फक्त एक मृत उंदीर आहे. याआधीही अनेकांनी असे व्हिडीओ शेअर केले आहेत की, त्यांच्या घरात एक गुप्त खोली आहे, पण तो पूर्ण पब होता.

About Sub-Editor

अवश्य वाचा

एकामागून एक हल्ल्यामुळे खारूताईची पसरली दहशत

  कोरोना विषाणूने जगात पुन्हा धुमाकूळ घातला आहे. यावेळी ओमिक्रॉनने लोकांना घाबरवले आहे. लसीकरण झालेल्या …