मुंबई – कोरोनाचा नवा व्हेरिएंट ओमिक्रॉनने पुन्हा एकदा संपूर्ण देशावर दहशत निर्माण केली आहे. असे असताना बर्ड फ्ल्यूचे सावटही महाराष्ट्रावर दिसत आहे. सध्या केरळमध्ये बर्ड फ्ल्यूचे रुग्ण सापडले आहेत. केरळमधील अलप्पुझा जिल्ह्यातील थाकाझी पंचायतीमधून बर्ड फ्ल्यूचा प्रादुर्भाव झाल्याचे वृत्त समोर आले आहे. पुरक्कड येथून पाठवलेल्या बदकांना बर्ड फ्ल्यू असल्याची पुष्टी झाल्याचे सांगण्यात येत आहे. माहिती मिळताच अधिकाºयांनी बाधित भागात एक किलोमीटरच्या परिघात बदके, कोंबडी आणि पाळीव पक्षी मारण्याचे आदेश दिले आहेत. या भागातून अनेक कोंबड्या आणि नागरिक महाराष्ट्रात येत असल्याने महाराष्ट्रात या संकटाची शक्यता व्यक्त होत आहे.
मिळालेल्या माहितीनुसार, प्रशासनाने चंपाकुलम, नेदुमुडी, मुत्तर, वियापुरम, करुवट्टा, थ्रिकुन्नापुझा, थाकाझी, पुरक्कड, अंबालापुझा दक्षिण, अंबालापुझा उत्तर, हरिपाद नगरपालिका क्षेत्रात निर्बंध लागू केले. फ्ल्यूचा प्रादुर्भाव झाल्याची माहिती मिळताच जिल्हा दंडाधिकारी ए. अलेक्झांडर यांनी पशुसंवर्धन, आरोग्य आणि पोलीस विभागाच्या अधिकाºयांची तातडीची बैठक घेऊन परिस्थितीचा आढावा घेतला. बैठकीनंतर अधिकाºयांनी सांगितले की, संसर्गाचा फैलाव रोखण्यासाठी प्रशासनाने थाकाझी ग्रामपंचायतीच्या प्रभाग क्रमांक १०च्या एक किलोमीटरच्या परिसरात सर्व बदके, कोंबडी आणि इतर पाळीव पक्षी मारण्याचे आदेश दिले आहेत. यासोबतच अधिकाºयांनी बाधित क्षेत्र प्रतिबंधित क्षेत्र म्हणून घोषित केले असून, येथून वाहने व लोकांची ये-जा बंद करण्यात आली आहे. जिल्हाधिकाºयांनी फ्ल्यू बाधित भागात कोंबडी, बदके आणि पक्ष्यांची अंडी, मांस इत्यादींच्या विक्रीवर बंदी घातली आहे.
