मला तेव्हा वास्तवात राग आलेला – कमिन्स

मेलबर्न – ऑस्ट्रेलियाचा कर्णधार पॅट कमिन्स तेव्हा रागाने लाल पिवळा झालेला जेव्हा त्याला कळाले की, रात्रीच्या जेवणासाठी बाहेर जाणे त्याला महाग पडले व कोविड-१९ने संसर्गग्रस्त व्यक्तीच्या संपर्कात येण्याने त्याला एडिलेडच्या दुसऱ्या ॲशेस कसोटी सामन्यात खेळू शकला नाही. कमिन्स दुसऱ्या कसोटी सामन्याआधी आपला मित्र हॅरी कॉन्वेसोबत एडिलेडमधील एका हॉटेलात जेवणासाठी गेला होता. कॉन्वे बिग बॅश लीगमध्ये एडिलेड स्ट्राइकर्सच्या वतीने खेळत होता. त्यांच्या जवळ बसलेली एक व्यक्ती कोविड पॉझिटिव्ह असल्याचे नंतर समोर आले. बॉक्सिंग डे कसोटीत नेतृत्व करण्यास पुन्हा पुनरागमन करणारा कमिन्स म्हणाला की, मला वास्तवात खूप राग आलेला. स्थानिक वर्तमानपत्राशी संवाद साधताना कमिन्स म्हणाला की, कोणाला यासाठी दोष देता येणार नाही. एकवेळ जर स्पष्ट झाले तर आपणास आपल्या प्रांताच्या नियमांनुसार चालणे गरजेचे आहे. आपणास त्याचे पालन करावे लागते. कमिन्सची आरटी-पीसीआयर चाचणी निगेटीव्ह आली, पण दक्षिण ऑस्ट्रेलियाच्या कोविड-१९ नियमानुसार त्याला क्वारंटाइन व्हाले लागले. अशाप्रकारे तो एडिलेट कसोटीतूनही बाहेर पडला. कमिन्स म्हणतो, आम्हाला ठाऊक होते की, मालिकेत केव्हाही असे होऊ शकते, पण मला विश्वासच नव्हता की, हे माझ्यासोबत होईल. कमिन्ससोबत मिशेल स्टार्क व नाथन लियोनला देखील या सामन्यात बाहेर बसावे लागले, कारण त्यांना त्याच हॉटेलात जेवणास जायचे होते, पण कमिन्सने फोन कॉल न उचल्यामुळे हे दुसरीकडे जेवण्यास गेले. तो म्हणाला, त्या दोघांचा माझ्यावर राग होता. मी कर्णधार असल्याने ही मोठी बातमी झाली. हा काही जगाचा अंत नाही. त्यामुळे सर्वांनी सबुरीने घ्यायला हवे.