आश्चर्यकारक प्राणी जगातील सर्व देशांमध्ये आढळतात, ज्यांचे तस्कर त्यांना बेकायदेशीरपणे पकडून इतर देशांमध्ये घेऊन जातात आणि महागड्या किमतीत त्यांची विक्री करतात. प्रवासा
दरम्यान अनेक कोळी आणि विंचू सापडलेल्या लोकांच्या बातम्यांमध्ये अनेक वेळा खुलासे झाले आहेत. नुकतेच कोलंबियामध्ये पकडलेल्
या स्पायडर स्मगलर्सकडून असेच एक प्रकरण समोर आले आहे. येथे दोन लोकांना अटक करण्यात आली आहे, ज्यांच्याकडे इतके प्राणी बेकायदेशीरपणे होते की जणू ते संपूर्ण जंगलच त्यांच्या बॅगमध्ये घेऊन फिरत होते.
अलीकडेच, कोलंबियातील बोगोटा विमानतळावर २ जर्मन नागरिकांना अटक करण्यात आली आहे. त्यांच्याकडून अनेक कोळी, विंचू, कोळ्याची अंडी आणि झुरळे सापडली आहेत. सुरक्षा कर्मचाºयांनी दोन्ही प्रवाशांच्या सामानाची झडती घेतली असता, त्यांची भंबेरीच उडाली. त्यांच्याकडे अनेक प्लास्टिकच्या पेट्या होत्या, ज्यात हे सर्व प्राणी कैद केले होते. त्यांनी त्यांच्या पिशवीत इतके कैद केलेले प्राणी पाहून लोकांनाही आश्चर्य वाटले.
डेली स्टारच्या वृत्तानुसार त्यांच्याकडून २१० प्लास्टिकचे डबे सापडले आहेत. ज्यामध्ये २३२ टॅरंटूला कोळी, ९ कोळ्याची अंडी, विंचू आणि त्याची ७ पिल्ले आणि ६७ झुरळे सापडली आहेत. कोलंबियामध्ये हजारो प्रजातींचे अतिशय अनोखे प्राणी आढळतात, ज्यांची तस्करी करून आंतरराष्ट्रीय बाजारात विकले जातात. अहवालानुसार, यावर्षी ११ हजार जनावरांची तस्करी पकडण्यात आली आहे.
बोगोटाच्या पर्यावरण सचिव कॅरोलिना यांनी सांगितले की, २०१८ पासून टॅरंटूला स्पायडरची इतकी मोठी शिपमेंट सापडणार नाही. रॉयटर्सच्या वृत्तानुसार, जर्मन नागरिकांनी सांगितले की, त्यांच्याकडे कोणत्याही प्रकारची परवानगी नसली, तरी ते शिक्षण आणि अभ्यासाच्या कामाच्या संदर्भात या प्राण्यांना घेऊन जात होते. आता तज्ज्ञ सर्व प्राण्यांवर संशोधन करतील आणि ते चोरीला गेलेल्या ठिकाणाहून त्यांना परत सोडायचे की, त्यांना इतर ठिकाणी हलवायचे याचा निर्णय घेतील.
