बटलर बनला ‘सुपर मॅन’ !

जबरदस्त कॅच घेत सर्वांना केले थक्क
मेलबर्न – अ­ॅडलेडच्या ओव्हल मैदानावर ऑस्ट्रेलिया-इंग्लंड दरम्यान अ­ॅशेस मालिकेतील दुसऱ्या कसोटी सामन्याला सुरुवात झाली आहे. या डे-नाईट कसोटी सामन्यात ऑस्ट्रेलियाला मार्कस हॅरिसच्या रूपाने प्रारंभीच झटका बसला. अवघ्या चार धावांवर ऑस्ट्रेलियाची पहिली विकेट गेली. धमाकेदार सुरुवात करण्याच्या ऑस्ट्रेलियाच्या अपेक्षांवर विकेटकिपर जोस बटलरने पाणी फिरवले. बटलरने डाव्या बाजूला सूर मारून हॅरिसरचा जो झेल घेतला, त्याला तोड नाही.
इंग्लिश गोलंदाजांनी टिच्चून मारा केला, त्यामुळे ऑस्ट्रेलियाची संथ सुरुवात झाली. धावांसाठी त्यांना संघर्ष करावा लागत होता. डावखुरा आक्रमक फलंदाज डेव्हिड वॉर्नरला इंग्लिश गोलंदाजांनी जखडून ठेवले. वॉर्नर आणि हॅरिसची जोडी ब्रॉडने फोडली. आठव्या षटकातील तिसऱ्या चेंडूवर ब्रॉडने हॅरिसला तंबूत पाठवले. हॅरिस अवघ्या तीन धावांवर बाद झाला. हॅरिस सहजतेने बाद झाला नाही. या विकेटचे सर्व श्रेय विकेटकिपर जोस बटलरचे आहे. हॅरिसचा झेले पकडणे इतके सोपे नव्हते. ब्रॉड हॅरिसला राऊंड द विकेट गोलंदाजी करीत होता. त्याने शॉर्ट पीच बॉल टाकला. त्यावर हॅरिसला पुलचा फटका खेळायचा होता, पण चेंडू ग्लोव्हजला लागून यष्टीपाठी गेला. बटलरने लगेच डाव्या बाजूला झेपावून एक अप्रतिम झेल घेतला. या अप्रतिम विकेटकिपिंग कौशल्यासाठी बटलरचे कौतुक होत आहे. हॅरिस बाद झाल्यानंतर डेव्हिड वॉर्नर आणि मार्नस लाबुशने यांनी सावध खेळी करीत संपूर्ण सेशन खेळून काढले.

About Sub-Editor

अवश्य वाचा

अग्रलेख : समताधिष्टित राष्ट्राच्या निर्मितीचा पाया

भारतरत्न डॉ. बाबासाहेब आंबेडकर यांची आज १३१वी जयंती. यानिमित्ताने देशभर त्यांना अभिवादन होत आहे. संपूर्ण …