नैतिकता व महत्त्वाकांक्षा यामधून एकाची निवड करण्याच्या सातत्यपूर्ण संघर्षाबाबतची कथा घेऊन येत आहे, सोनी लिव्हवरील पुरस्कार प्राप्त मराठी चित्रपट ‘चुंबक’. राष्ट्रीय पुरस्कारविजेते दिग्दर्शक संदीप मोदी यांचे दिग्दर्शन आणि अक्षय कुमार प्रस्तुत चित्रपट ‘चुंबक’मध्ये साहिल जाधव, स्वानंद किरकिरे आणि संगम देसाई प्रमुख भूमिकेत आहेत. हा चित्रपट १२ नोव्हेंबर, २०२१ रोजी सोनी लिव्हवर प्रदर्शित होणार आहे.
‘चुंबक’ ही किशोरवयीन रेस्टॉरंट कामगार बाळू याची आधुनिक काळातील कथा आहे. तो त्याचे स्वप्न साकारण्यासाठी लोकांची फसवणूक करण्याचे ठरवतो. त्याचा एकमेव बळी ठरलेले प्रसन्न (स्वानंद किरकिरे) यांच्याशी सामना होतो. प्रसन्न हे बौद्धिक अक्षमता असलेले वृद्ध आहेत. त्यानंतर बाळू नैतिकता व स्वप्नांच्या दुविधेमध्ये अडकून जातो. दोघेही एका प्रवासावर निघून जातात, जो त्यांच्या जीवनाला कायमस्वरूपी कलाटणी देतो. बाळू त्याच्या महत्त्वाकांक्षा पूर्ण करण्यासाठी निरागस व्यक्तीची फसवणूक करेल का की, त्याचे मन बदलेल?, कायरा कुमार क्रिएशन्सचे नरेन कुमार निर्मित ‘चुंबक’ हा केप ऑफ गुड फिल्म्स प्रॉडक्शनचा चित्रपट आहे.
बॉलीवूड खिलाडी अक्षय कुमार सादर करत असलेला मराठी चित्रपट चुंबकचा ट्रेलर नुकताच रिलीज झाला आहे. अक्षयने ट्विटरवर चुंबकचा ट्रेलर शेअर केला आहे. हा ट्रेलर शेअर करताना त्याने एक भावनिक पोस्टही लिहिली आहे. अक्षयने म्हटले आहे, ‘हा चित्रपट माझ्या हृदयाच्या अगदी जवळचा आहे. या चित्रपटाने अनेकांची मने जिंकून घेतली आहेत. मला हा चित्रपट सादर करताना खूप गर्व वाटत आहे, तर रहा सोनी लिव्हवर. क्रिटिकली अक्लेम्ड मास्टरपीस चुंबकसाठी. हा चित्रपट १२ नोव्हेंबर रोजी प्रदर्शित होत आहे. या चित्रपटात स्वानंद किरकिरे, साहिल जाधव आणि संग्राम देसाई यांच्या महत्त्वपूर्ण भूमिका आहेत, तर चित्रपटाच्या दिग्दर्शनाची धुरा संदीप मोदी यांनी सांभाळली आहे.
