नवीन वर्षातील एटीएमबाबतचा हा नियम खिशाला पाडणार कात्री

नवी दिल्ली – सध्या ऑनलाईनच्या या जगात एटीएममधून पैसे काढणे सर्व सामान्य माणसांच्या अंगवळणी पडले आहे. अशात येत्या नव्या वर्षात एटीएममधून पैसे काढणे महागणार आहे. एटीएममधून ट्रान्झेक्शनच्या नियमांमध्ये बँक १ जानेवारीपासून बदल करणार आहे. यामध्ये ट्रान्झेक्शनच्या शुल्क वाढीचाही समावेश आहे. एटीएम फ्री ट्रान्झेक्शनच्या मर्यादेनंतर एटीएम ट्रान्झेक्शनवरील शुल्क वाढवण्यास रिझर्व्ह बँकेनेही मंजुरी दिली आहे. त्यानुसार एटीएमच्या फ्री लिमिटनंतर केल्या जाणाऱ्या ट्रान्झेक्शवर १ जानेवारीपासून अधिक शुल्क भरावा लागणार आहे. नवीन नियमांनुसार ग्राहकांना फ्री एटीएम ट्रान्झेक्शन मर्यादेनंतरच्या ट्रान्झेक्शनवर २१ रुपये शुल्क आणि जीएसटी द्यावा लागणार आहे. सध्या हे शुल्क २० रुपये इतके आहे. आरबीआयने १ जानेवारी २०२२ पासून बँकांना रोख आणि नॉन-कॅश एटीएम व्यवहारांवर मोफत मासिक मर्यादेपेक्षा जास्त शुल्क वाढवण्याची परवानगी दिली आहे. आरबीआयच्या सूचनेनुसार, बँकांनी आपल्या ग्राहकांना १ जानेवारी २०२२ पासून २१ रुपये शुल्क भरावे लागतील याची माहिती देणारा एसएमएस पाठवणे सुरू केले आहे. या वर्षी १ ऑगस्ट २०२१ पासून, आरबीआयने आर्थिक व्यवहारांसाठी प्रति व्यवहार शुल्क १५ रुपयांवरून १७ रुपये आणि गैर-आर्थिक व्यवहारांसाठी प्रति व्यवहार ५ रुपयांवरून ६ रुपये केले आहे. जास्त इंटरचेंज फी आणि ऑपरेटिंग कॉस्टमध्ये वाढ झाल्यामुळे आरबीआयने बँकांना ग्राहकांकडून प्रति व्यवहार २१ रुपये शुल्क आकारण्याची परवानगी दिली आहे. त्यामुळे बँकांनी शुल्कात वाढ केली आहे.

 

About Sub-Editor

अवश्य वाचा

एकामागून एक हल्ल्यामुळे खारूताईची पसरली दहशत

  कोरोना विषाणूने जगात पुन्हा धुमाकूळ घातला आहे. यावेळी ओमिक्रॉनने लोकांना घाबरवले आहे. लसीकरण झालेल्या …