नदीत निसर्गाच्या कुशीत पोहायला कोणाला आवडत नाही? मात्र, या कामातील धोकाही कमी झालेला नाही. अशाच एका व्यक्तीचा नदीत पोहतानाचा त्याचा व मगरीचा व्हिडीओ सध्या चांगलाच व्हायरल होत आहे. हा माणूस नदीत शांततेने पोहत असताना, त्याला दुरूनच मगरीने पाहिले आणि त्याचा पाठलाग केला. ब्राझीलमधील कॅम्पो ग्रांडे येथे घडलेल्या या घटनेचा व्हिडीओ पाहून कोणालाही धक्का बसत आहे. मगरीच्या व्हिडीओने पाठलाग केलेल्या पर्यटकातील अंतर कमी झाल्याने पाहणाºयाचा श्वासही थांबतो. सोशल मीडियावर जलतरणपटू आणि मगरीचा हा व्हिडीओ लोकांना चांगलाच आवडला आहे.
कोणत्याही जलतरणपटूला एखादा हिंसक जलचराने पाठलाग करून पळायला लावले आहे, असे स्वप्न सर्वात वाईट ठरेल. ब्राझीलमधील तलावात एक जलतरणपटू आरामात पोहत असतानाही त्याच्यासोबत एक वाईट अपघात झाला. एक पट्टीचा पोहणारा स्वीमर मस्त मजेत पोहत पुढे पुढे जात असताना, अचानक मागून मगरीने त्याचा पाठलाग केला. भयानक मगर आपल्या दिशेने येताना पाहून जलतरणपटूची चांगलीच गाळण उडाली.
ब्राझीलमधील लागो दा आमोर येथे ही घटना घडली आहे. हे ठिकाण पर्यटकांमध्ये खूप लोकप्रिय आहे. याठिकाणी पोहण्यापूर्वी पर्यटकांना सावध केले जात असले, तरी काही पर्यटक नियम व अटी मोडून तलावाच्या पाण्यात उतरतात व असे अपघात घडतात. याठिकाणी सायंकाळी एक जलतरणपटू नदीत पोहत असताना, किनाºयाकडे जात असताना, मगरीची नजर त्याच्यावर पडल्याने भीतीने त्याची दुरावस्था झाली.
ही घटना सायंकाळी पाचच्या सुमारास तलावात घडली. ही घटना विलियन कॅटानो नावाच्या व्यक्तीने आपल्या मोबाईलमध्ये कैद केली आहे. तो जलतरणपटू तलावाच्या पाण्यात शिरताच नदीच्या पलीकडे असलेली मगर त्याच्या दिशेने जाऊ लागली. जलतरणपटूने सर्व शक्तीनिशी पळून जाण्याचा प्रयत्न केला, तर मगर दुप्पट वेगाने त्याच्या दिशेने जात होती. जलतरणपटूच्या अथक प्रयत्नांनंतरही मगरीने त्याच्या हाताला चावा घेतला, तरीही त्याचा जीव वाचवण्यात यश आले. तो बाहेर आला, तेव्हा त्या माणसाचा हात रक्ताने माखलेला होता, तर तो खूप घाबरला होता.
हा व्हिडीओ सोशल मीडियावर व्हायरल झाला, तेव्हा धक्काच बसला. हा व्हिडीओ आतापर्यंत १९७ हजार वेळा पाहिला गेला आहे. त्याला ७८०० हून अधिक लाईक्स मिळाले आहेत आणि १४०० हून अधिक वेळा रिट्विट केले गेले आहे. स्थानिक वृत्तानुसार, जखमी व्यक्तीला इमर्जन्सी केअर सेवेला बोलावून रुग्णालयात पाठवण्यात आले. डॉक्टरांनी त्याची दुखापत गंभीर मानली नाही.
