देशात २४ तासांत १३,१७७ नवीन कोरोना रुग्ण

२९६ मृत्यू; आतापर्यंत लसीचे एकूण १७६.४७ कोटी डोस दिले
नवी दिल्ली – गेल्या २४ तासांत देशात कोरोनाचे १३,१७७ नवीन रुग्ण आढळले आहेत. २९,१९४ रुग्ण बरे झाले, तर २९६ जणांचा मृत्यू झाला. त्याच वेळी सक्रिय रुग्णांची संख्या म्हणजेच उपचार घेत असलेल्या रुग्णांची संख्या १६,३१३ने खाली आली आहे. मंगळवारी एक दिवस आधी १५,१०२ नवीन रुग्ण आढळले होते आणि २७८ लोकांचा मृत्यू झाला. सध्या देशात १.४ लाख सक्रिय रुग्ण आहेत. आरोग्य मंत्रालयाच्या म्हणण्यानुसार, देशात आतापर्यंत लसीचे एकूण १७६.४७ कोटी डोस देण्यात आले आहेत. त्याच वेळी, बुधवारी संध्याकाळी ७ वाजेपर्यंत ३६ लाखांहून अधिक डोस देण्यात आले.