काँग्रेस आणि भाजपला ओबीसी आरक्षण मिळू द्यायचे नाही – महादेव जानकरांचा आरोप

पुणे – राज्यात सध्या नगरपंचायती आणि महापालिका निवडणुकांचे बिगूल वाजले असताना ओबीसी आरक्षणावरून जोरदार आरोप प्रत्यारोप सुरू आहेत. आधी भाजपच्या साथीनेचालणारेरासप नेते महादेव जानकर आता महाविकास आघाडी सरकारचे कौतुक करू लागल्याने अनेकांच्या भुवया उंचावल्या आहेत, तर दुसरीकडे जानकरांनी भाजप आणि काँग्रेसवर ओबीसी आरक्षणावरून निशाणाही साधला आहे. महादेव जानकरांनी पुण्यात कार्यकर्त्यांचा मेळावा घेतला आहे.
ओबीसी आरक्षणावरून महादेव जानकर यांनी काँग्रेस आणि भाजपवर थेट आरोप केला आहे. ओबीसींना आरक्षण मिळू द्यायचे नाही ही काँग्रेस आणि भाजपची भूमिका आहे असे महादेव जानकर म्हणाले आहेत. काँग्रेस आणि भाजप एकाच नाण्याच्या दोन बाजू आहेत, ओबीसी आरक्षणासाठी मी रस्त्यावर उतरणार असा इशाराही जानकरांनी दिला आहे. सुरूवातीला धनगर आरक्षणाचा प्रश्न उचलून धरणारे महादेव आता ओबीसी आरक्षणावरूनही आक्रमक झालेत, काही दिवसांपूर्वीच त्यांनी छत्रपती शिवाजी महाराज ओबीसी असल्याचे म्हटले होते, त्यावर अनेक राजकीय प्रतिक्रिया उमटल्या होत्या.
भाजप सरकारच्या काळात मंत्री राहिलेल्या जानकरांनी महाविकास आघाडीचे कौतुक केल्याने अनेक राजकीय चर्चांना उधाण आले आहे. महादेव जानकरांनी कोरोना काळात राज्य सरकारचे काम चांगले आहे, असे वक्तव्य केल्याने जानकर महाविकास आघाडीबरोबर जाण्याच्या तयारीत आहेत का? असे अनेक तर्क वितर्क सुरू झाले आहेत. आगामी पुणे महानगरपालिकेच्या निवडणुकीत मात्र महादेव जानकरांनी स्वबळाचा नारा दिला आहे. त्यामुळे भाजपचे थोडेफार तरी नुकसान होण्याची शक्यता आहे. तसेच पंकजा मुंडे माझी बहिण आहे, ज्या दिवशी त्यांच्यावर अन्याय होईल त्या दिवशी त्या मला सांगितील, अशी प्रतिक्रिया पंकजा मुंडे यांच्याबाबतीत महादेव जानकरांनी दिली आहे.

About Sub-Editor

अवश्य वाचा

अग्रलेख : समताधिष्टित राष्ट्राच्या निर्मितीचा पाया

भारतरत्न डॉ. बाबासाहेब आंबेडकर यांची आज १३१वी जयंती. यानिमित्ताने देशभर त्यांना अभिवादन होत आहे. संपूर्ण …